Mavrova është një luginë në pjesën veriperëndimore të Maqedonisë. Është e njohur vecanërisht për Parkun Kombëtar të Mavrovës, ku gjendet dhe liqeni më i madh artificial në vend. Liqeni Mavrovës ndodhet në një lartësi prej 1200m dhe rrethohet nga pyje të shumtë malorë. Maja më e lartë, ajo e Korabit (2764m) gjendet gjithashtu në këtë park kombëtar.
Ky park kombëtar është njëkohësisht edhe qendra më e madhe dhe më e njohur e skive në vend, ku mund të bësh ski në një lartësi nga 1255 deri në 1860 metra mbi nivelin e detit. Pistat janë të përshtatura si për fillestarët, ashtu dhe për skiatorë profesionistë. Në këtë zonë ndodhet edhe Manastiri i Shën Jovan Bigorskit, në brendësi të së cilit ndodhet ikonostasi i njohur, i gdhendur në dru lisi dhe që i përket vitit 1829.
Vizitoni Mavroven, Maqedonia e Veriut dhe rezervoni online hotele në Mavrove.
